172
Жыл басынан бері облыста 50-ге жуық бойжеткен жүктілік бойынша есепке алынса, оның 32-сі ана атанды, деп хабарлайды Qyzyljarnews.kz тілшісі Qyzyljartv.kz телеарнасына сілтеме жасап.
СҚО бойынша отбасын жоспарлау және репродуктивті денсаулық жөніндегі үйлестірушісі Марина Тимофееваның айтуынша, биыл кәмелетке толмаған аналар қатары өткен жылмен салыстырғанда төмендеген. Дегенмен бойжеткендер арасында жасанды түсік жасату фактілері азаймай отыр.
— Өткен жылы кәмелет жасқа толмаған 56 қыз ана атанды. Ал 17 қыз жасанды түсік жасатты. Биыл 10 қыз баласын алдырып тастады. Сан азайғанымен, бұл әлі де өзекті мәселе болып қала береді, — дейді Марина Тимофеева.
