Петропавлдағы Ұлттық ұлан әскери академиясының ақпараттық-насихат тобы Тайынша ауданындағы мектеп оқушыларымен кездесті, деп хабарлайды Qyzyljarnews.kz тілшісі.
Академия бастығының орынбасары Нұрбай Бектұрсынов Тайынша қаласының №5 мектебінің базасында аудандық мектептердің жоғары сынып оқушыларымен әңгімелесті.
Ақпараттық-насихат тобының басты мақсаты – жастарды әскери-патриоттық тәрбиелеу, Ұлттық ұлан қатарына шақыру, түлектерді әскери оқу орнына түсуге бағдарлау.
Кездесу барысында Нұрбай Бектұрсынов оқушыларға Ұлттық ұлан қызметінің негізгі бағыттары, жоғары әскери оқу орнына түсу тәртібі, оқу процесінің ерекшеліктері, сондай-ақ өмірін әскери қызметпен байланыстыруға шешім қабылдаған кандидаттарға қойылатын талаптар туралы айтып берді.
Шара соңы академия оркестрінің концерттік бағдарламасына ұласты.
