СҚО-да мемлекеттік еңбек инспекциясы басқармасына Мирас Сабағанов басшы болып тағайындалды, Qyzyljarnews.kz тілшісі.
Мирас Сабағанов М.Қозыбаев атындағы Солтүстік Қазақстан мемлекеттік университетін «Көлік, көлік техникасы және технологиялары», Тюмень мемлекеттік университетін «Менеджмент» мамандығы бойынша тамамдаған.
Бірнеше жыл бойы Петропавл қаласының ТКШ, жолаушылар көлігі және автомобиль жолдары бөлімінде жұмыс істеді.
Мемлекеттік еңбек инспекциясы басқармасындағы мансабын еңбек қатынастарын бақылау бөлімінің бас маманы қызметінен бастаған. Содан кейін еңбек қауіпсіздігі және еңбекті қорғау бөлімінің бас маманы болды.
Еңбек қауіпсіздігі және еңбекті қорғау бөлімінің басшысы, мемлекеттік еңбек инспекциясы басқармасы басшысының орынбасары қызметтерін атқарды.
