Петропавл тұрғыны шынжырлы арамен ауыр жарақат алды, деп хабарлайды Qyzyljarnews.kz тілшісі.
Қалалық көпсалалы ауруханасының мәліметінше, ауыз қуысы, төменгі жағы сынған және барлық тістері зақымданған 51 жастағы ер адам медициналық көмекке жүгінді. Белгілі болғандай, ол шынжыр арамен жұмыс істеген уақытында бетін жаралап алған.
– Науқастың жағдайы ауыр еді. Ол шұғыл түрде жақ-бет хирургиясы бөліміне жатқызылды. Дәрігерлер оның ауыз қуысынан бөгде заттарды, қоқыстарды, кір бөлшектерін, ұйылған қанды шығарды. Жараны өңдеді. Алдағы уақытта сүйек қалдықтарын фиксациямен қайта орналастыру бойынша отау жасау қажет, — деп түсіндірді дәрігерлер.
Науқас 16 күн бойы медициналық бақылауда болды және ем қабылдады. Бүгіндері ол үйіне жіберіліп, амбулаторлық түрде ем алуда.
Дәрігерлер шынжырлы арамен жұмыс істеу кезінде қорғаныс құралдарын қолдану керек екенін еске салады.
