194
Есіл ауданында 35 сайлау учаскесі жұмыс істеп жатыр, деп хабарлайды Qyzyljarnews.kz тілшісі.
Есіл аудандық сайлау комиссиясының ақпараты бойынша 35 сайлау учаскесінде 15800 дауыс беруші тіркелген. Оның 134-і саяси науқанда алғаш рет дауыс бермек.
Аудан әкімі лауазымына екі кандидат тіркелген. Олар «Amanat» партиясының мүшесі — Мереке Мұхамедияров пен өзін-өзі ұсынған — Серік Шамергенов.
Биыл ел тарихында тұңғыш рет жергілікті ауыл тұрғындары өздері аудан әкіміне сай азаматты таңдау мүмкіндігіне ие болды. Тың бастама Президент Қасым-Жомарт Тоқаевтың тапсырмасымен жүзеге асты.
