142
Солтүстік Қазақстан облысы перинаталдық орталығында дәрігер қызылша жұқтырғаны анықталды. Инфекция дәрігер еңбек демалысында болған кезде тіркелді. Мекеме карантинге жабылмайды, бірақ енді босану кезіндегі серіктестікке уақытша тыйым салынды, деп хабарлайды Qyzyljarnews.kz тілшісі.
— Облыстық перинаталдық орталықта қызылша инфекциясы тіркелмеді. Ауру еңбек демалысында баласымен бірге болған дәрігерден анықталды. Ол емдеу мекемесіндегі емделушілермен байланыста болмаған. Перинаталдық орталықта карантин енгізілмеді. Бірақ босанатын әйелдің қасына серіктес болып кіруге тыйым салынды, — деп мәлімдеді СҚО денсаулық сақтау басқармасында.
Босануға серіктестің қатысуына жол берілдмейді, өйткені олар қызылшаға қарсы екпе алғанын растай алмайды дейді дәрігерлер.
— Қызылшаның инкубациялық кезеңі ұзақ, келушілердің бірі тасымалдаушы болуы мүмкін. Науқастар мен жаңа туған нәрестелердің денсаулығына қауіп төндірмеу үшін осындай шешім қабылданды, — деп түсіндірді баспасөз қызметі.
