166
Петропавлда Васильев көшесі бойында белгіленбеген жерден жолды кесіп өтпек болған төртінші сынып оқушысын көлік қағып кеткен. Жүргізуші оқиға орнынан жасырынған. Балаға медициналық көмек қажет болған, деп хабарлайды Qyzyljarnews.kz.
Петропавлдық тәртіп сақшылары «Toyota» автокөлігін және оның 33 жасар жүргізушісін анықтады. Ол облыс орталығының тұрғыны болып шықты. Теміртұлпарды тізгіндеген азаматқа қатысты ҚР ӘҚБтК-нің 61-бабы 2-бөлігі (Тұлға әкiмшiлiк жазаға тартылды деп есептелетiн мерзiм) бойынша іс жүргізіліп жатыр.
— Жыл басынан іздестіру тобымен түрлі жол оқиғаларына себепші болған және ЖКО орындарын тастап кетпеу туралы талаптарды бұзған 80 жүргізуші анықталды. Бұл оқиғалардың ішінде 1-денсаулыққа жеңіл зақым келтірілген, 1-денсаулыққа ауыр зақым келтірілген, 1-адам өліміне әкеп соқтырған, – дейді СҚО ЖПҚБ бастығы Айдын Байматов.
