Облыс халқының 85 пайызы сапалы ауызсумен қамтылған. Бұл шамамен 415 елді мекенде тұратындырдың 495,6 мың тұрғынын құрап отыр, деп хабарлайды Qyzyljarnews.kz тілшісі.
СҚО әкімдігінің мәліметінше, биыл өңір халқын таза сумен қамту мәселесін шешуге 16 млрд. теңге бөлінді. Орталықтандырылған жүйе арқылы 25, кешенді блок-модульдер арқылы 149 және топтық су құбырларын жаңғырту жұмыстары аясында 46 ауылға тіршілік нәрі берілді.
– Ұзындығы 3 мың шақырымнан асатын топтық құбырлардың арқасында су 229 елді мекенге дейін жетіп отыр. Онда орта есеппен 175 мың азамат тұрады. Өкініштісі, кейбір жобалалар 2014 жылдан бері жүзеге асырылмай келеді. Мысал ретінде Преснов топтық су құбырын келтіруге болады. Біздің мақсатымыз – бұл мәселені шешу. Бұл жоба іске асырылса, халықтың 100 пайызы тіршілік нәрімен қамтылады, – дейді СҚО әкімі Ғауез Нұрмұхамбетов.
