Тіркелмеген қаруды сақтаған азаматтар жауапкершілікке тартылды

СҚО полицейлері сегіз күннің ішінде 12 қаруды тәркіледі, деп хабарлайды Qyzyljarnews.kz.

Тайынша ауданының 49 жастағы тұрғынының үйінен 12 калибрлі «ТОЗ-34» мылтығы тәркіленді. Ер адамның айтуынша, қаруды оған 20 жыл бұрын Ресейге көшіп кеткен досы тастап кеткен.

Ал тағы бір Тайынша ауданының 58 жастағы тұрғынынан еш жерде тіркелмеген 16 калибрлі бір оқпанды «ИЖ-5» қаруы анықталды. Мылтықты азамат шамамен 10 жыл бұрын тауып алған екен. Екі жағдайда да ҚР Әкімшілік құқық бұзушылық туралы Кодексінің 482-бабы бойынша хаттама толтырылып, қару тәркіленіп, сараптамаға жіберілді.