Еліміздің солтүстік өңірлеріне Жамбыл облысынан 190 отбасы қоныс аударса, оның 52-сі теріскейге көшіп келді, деп хабарлайды Qyzyljarnews.kz тілшісі.
Жамбыл облыстық жұмыспен қамтуды үйлестіру және әлеуметтік бағдарламалар басқармасының басшысы Гүлдана Жауынбекованың ақпараты бойынша, Жамбыл облысында жұмыс күші тапшы өңірлерге қоныс аудару бойынша халыққа қолдау көрсетіледі.
— 2023 жылғы 1 қарашадағы жағдай бойынша, Жамбыл облысынан жұмыс күші тапшы өңірлерге 190 отбасы немесе 605 адам қоныс аударды. Павлодар облысына 68 отбасы кетті, бұл 207 адам. Қостанай облысына — 54 отбасы немесе 174 адам, СҚО -ға — 52 отбасы немесе 172 адам, ШҚО-ға — 8 отбасы, бұл 24 адам, жаңадан құрылған Ұлытау облысына — екі отбасы немесе 12 адам, ал Абай облысына — 6 отбасы немесе 16 адам көшті. Соңғысы — тұрғындар ең аз қоныс аударған өңір, — деп хабарлады ведомство басшысы.
