«Береке» шағынауданында 6 көпқабатты баспана халық игілігіне берілді, деп хабарлайды Qyzyljarnews.kz тілшісі.
Алты жалдамалы-коммуналдық көпқабатты үй 600 пәтерге шақталған. Жаңа пәтерлерге әлеуметтік аз қамтылған топтарға жататын отбасылар қоныстанды.
Салтанатты түрде пәтер кілттерін облыс әкімі Ғауез Нұрмұхамбетов табыс етіп, қалалықтарды құтты қоныс тойымен құттықтады.
— Жаңа пәтерлердің иелеріне кілттерді табыс етіп, қоныс тоймен құттықтадым. Көпбалалы ана Гүлназ Кенжетаева мен Александра Иоржтың шаңырағында болдым. Халықты тұрғын үймен қамтамасыз ету – мемлекеттік саясаттың басым бағыттарының бірі. Президент тұрғындарға баспана қолжетімді болуы керек деп атап өтті, — деді өңір басшысы Ғауез Нұрмұхамбетов.
Облыс әкімінің айтуынша, жыл соңына дейін Петропавлда 22 көпқабатты үй тапсырылып, 2 мыңнан аса отбасы жаңа қонысқа ие болады.
