УЕФА «Еуро-2024» іріктеу турниріндегі үздік голын анықтады. Қазақстан ұлттық құрамасының капитаны Асхат Тағыбергеннің Дания қақпасына соққан голы ең көп дауыс жинап, үздік атанды, деп хабарлайды Qyzyljarnews.kz тілшісі.
Футболдан Қазақстан ұлттық құрамасының капитаны Асхат Тағыбергеннің Дания қақпасына соққан голын УЕФА «Еуро-2024» іріктеу турниріндегі үздік деп таныды. Дауыс беру нәтижесі бойынша Асхат бірінші орында. Екінші және үшінші орынды Албания ұлттық құрамасының ойыншылары бөліп алды. Қазақстандық футболшыдан бөлек Жан Випотник (Словения), Эмин Махмудов (Әзербайжан), Юнус Акгюн (Түркия), Килиан Мбаппе (Франция), Ясир Асани (Албания), Кристьян Аслани (Фарер аралдары), Букайо Сака (Англия), Сандро Вольфингер (Лихтенштейн), Леандро Троссар (Бельгия) соққан голдары да үздіктер қатарында болған еді.
Асхат Тағыберген маусым қорытындысы бойынша үздік гол авторына беретін «Пушкаш» трофейіне де үміткерлер қатарында.
