Облыс полицейлері «Құқықтық тәртіп» жедел алдын алу іс-шарасының қорытындысын шығарды. Он күн бойы облыс аумағындағы қоғамдық орындарда адамдардың қауіпсіздігін нығайтуға, қылмыстың алдын алуға бағытталған кең ауқымды іс-шаралар кешені өткізілді, деп хабарлайды Qyzyljarnews.kz тілшісі.
Учаскелік полиция инспекторларымен бірлесіп облыстық полиция департаменті экстремизмге қарсы іс-қимыл басқармасының қызметкерлері акцизсіз темекілердің заңсыз саудасы туралы жедел ақпаратты тексерді. Тәртіп сақшылары орталық көтерме сауда базарындағы бутиктердің бірінен заңсыз тауардың 34 560 қорабын тәркіледі. Алдын ала бағалау бойынша алынған тауардың жалпы құны 25 миллион теңгеге жуық. Заңсыз тауар иесі, Петропавл қаласының 45 жасар тұрғынына қатысты материалдар процессуалдық шешім қабылдау үшін экономикалық тергеу департаментіне берілді.
