«Петропавл жылу желілері» ЖШС-ға барған облыс әкімі Ғауез Нұрмұхамбетовке жылу желілерінің тозуын азайту бойынша жүргізіліп жатқан кешенді жұмыстар баяндалды, деп хабарлайды Qyzyljarnews.kz тілшісі.
Биыл Петропавлда 8,3 км жылу желілері және 51 стансада сорғы қондырғылары жөнделді. Сондай-ақ 3,8 шақырымға жылу оқшаулау жұмыстары жүргізілді.
– Екі жылу магистралінің құрылысы жүргізілуде, жобаның арқасында облыс орталығының солтүстік бөлігін жылумен қамту жақсара түспек. Сондай-ақ, №2 жылу магистралі құрылысының жобасы әзірленуде. Жалпы «Петропавл жылу желілері» кәсіпорнымен бірлесіп, жылыту жүйесін жаңарту бойынша 2024-2029 жылдарға арналған жол картасы әзірленді, бұл желілердің тозуын азайтуға мүмкіндік береді, – деп жазды әлеуметтік желідегі жеке парақшасында СҚО әкімі Ғауез Нұрмұхамбетов.
