Әлеуметтік аз қамтылған топтарға жатқызылған азаматтарды кәсіп ашуға ынталандыру мақсатында 28 адамға грант берілді. Оның жалпы сомасы 30 млн. теңгеден асты, деп хабарлайды Qyzyljarnews.kz тілшісі.
М.Жұмабаев ауданы әкімдігінің мәліметінше, жыл басынан бері ауыл тұрғындарына жан-жақты көмек көрсетілді. Биылдың өзінде ауданда жұмыссыз жүрген 1523 адам қызметке орналастырылды. Оның 658-і тұрақты жұмыспен қамтылды.
– 2023 жылдың басында ауданда 160 жаңа жұмыс орнын ашу жоспарланса, 11 айда бұл көрсеткішті 180-ге дейін жеткіздік. Әлжуаз топтарға жататындарға кәсіп бастауға гранттар берілді. Биыл Булаев қаласының тұрғыны Елена Агафоноваға мемлекеттен 1,3 млн. теңге қаржы беріліп, ол аудан орталығында шаштараз ашты, – дейді М.Жұмабаев ауданының әкімі Қайрат Омаров.
