195
Облыста қызылша жұқтырудың 150 дерегі тіркелсе, оның 132-сі қала тұрғындарынан анықталды, деп хабарлайды Qyzyljarnews.kz тілшісі.
СҚО санитарлық-эпидемиологиялық бақылау департаментінің мәліметінше, қызылша жұқтырғандардың басым бөлігі Петропавл қаласының тұрғындары. 4 жағдай Мағжан Жұмабаев және Қызылжар аудандарында, 3 факті Айыртау, Аққайың, 2 дерек Мамлют және бір-бір фактіден Есіл мен Жамбыл аудандарында анықталды.
Эпидемиолог дәрігерлер қызылшадан жалғыз сақтанудың бірден-бір жолы вакцинация екенін еске салады.
Екпе егу жұмыстары тұрғылықты мекенжай бойынша емханаларда жүргізіледі. Вакциналар туралы қосымша ақпаратты EGU.kz сайтынан немесе 7701 жедел желісі бойынша алуға болады.
