Мағжан Жұмабаев атындағы жоғары колледжінде «WorldSkills Kazakhstan – 2023» республикалық чемпионаттың жеңімпаздары марапатталды, деп хабарлайды Qyzyljarnews.kz тілшісі.
Республикалық чемпионатта өңір студенттері 2 алтын және 1 қола медальға қол жеткізді. Сондай-ақ «Үздік маман» аталымы бойынша 8 азамат марапатқа ие болды.
– Мағжан Жұмабаев атындағы жоғары колледжі мен Солтүстік Қазақстан жоғары кәсіптік педагогикалық колледжі студенттері «WorldSkills Kazakhstan – 2023» байқауында алтын медальдарды еншілесе, қола жүлдеге жоғары құрылыс-экономикалық колледжінің тәрбиеленушісі қол жеткізді. Барлық жеңімпаздарды алып отырған марапаттарымен шын жүректен құттықтаймын, — деді шараға қатысқан облыстық білім басқармасының басшысы Нәзір Жәшібеков.
Салтанатты шарада әлеуметтік серіктестіктер байқау жеңімпаздарына жұмысқа орналасу жолдамасын берді.
