Облыста ағынды суларды орман аумағына ағызғаны үшін құс фабрикасы жауапкершілікке тартылды, деп хабарлайды Qyzyljarnews.kz тілшісі.
СҚО экология департаментінің мәліметінше, Қызылжар ауданының полиция бөлімі «Адель құс» ЖШС-ның Кіші Белое ауылының жанындағы орман алқабына ағынды суларды ағызу фактісі бойынша материал жинақталды. Компанияға жалпы сомасы 1,1 млн. теңгеден астам айыппұл салынды.
– «Адель құс» ЖШС-ның заңсыз әрекеттері экологиялық залал келтірді. Кәсіпорынға ҚР Экологиялық кодексіне сәйкес ремедиация бағдарламасын әзірлеу және қоршаған ортаны қорғау саласындағы уәкілетті органмен келісу қажеттігі туралы хабарлама жіберілді. Нәтижесінде келтірілген экологиялық залалды жою жөніндегі құжат әзірленіп бекітілді, – деп хабарлайды экология департаментінің мамандары.
Ағынды суларды ағызу салдарынан 300 шаршы метр аумақта жатқан топырақ тұзданып кетті.
