Петропавлда және Қызылжар ауданының орталығы Бескөл ауылында халыққа қызмет көрсететін екі жаңа цифрлық кеңсе ашылды, деп хабарлайды Qyzyljarnews.kz тілшісі.
Жаңартылған ХҚКО-да жөндеу жұмыстары жүргізіліп, жиһаз бен кеңсе техникасы ауыстырылды. Бұдан бөлек, жаңа офистер Кайдзен қағидаты бойынша жұмыс істейді.
Жаңа ХҚКО-ның келушілері үшін «байланыс және ену» аймағында оператордың көмегінсіз-ақ кез-келген қажетті мемлекеттік қызметті өз бетінше ала алады. Бұдан басқа, бұл секторларда қызметкерлер клиенттерді цифрлық сауаттылыққа үйретеді.
Облыс тұрғындары мемлекеттік қызметтерді Петропавл қ., Әуезов к-сі, 157, Бескөл ауылы, Институт көшесі, 18 мекенжайларында орналасқан.
Бүгінгі таңда Солтүстік Қазақстан облысында 3 халыққа қызмет көрсету орталығы жаңартылды. Бұған дейін қызмет көрсетудің жаңа форматына Конституция көшесі, 72 мекенжайындағы №2 ХҚКО-ғы көшкен болатын.
