Желтоқсанның 31-і мен қаңтардың 2-сі күндері аралығында полицияға облыс тұрғындарынан 1154 қоңырау түсті, деп хабарлайды Qyzyljarnews.kz тілшісі.
СҚО ПД мәліметінше, «102» нөміріне хабарласқандардың 369-ы полицияның жедел әрекет етуін талап еткен.
– Мереке күндері 10 ұрлыққа, 3 алаяқтыққа, 38 отбасылық жанжал қатысты фактілер туралы хабарланды. Сондай-ақ, түнгі уақытта тыныштықты бұзудың 26 дерегі тіркелді. Барлық шақыртулар бойынша қажетті шаралар қабылданды. Соңғы үш тәулік ішінде солтүстікқазақстандықтар көбінесе полицияға сағат 18-ден түн ортасына дейін және түнгі сағат 1-ден таңғы сағат 4-ге дейін қоңырау шалған, — дейді Петропавл қалалық полиция басқармасы жедел басқару орталығының бастығы Қайырбек Баймөнкенов.
31 желтоқсан мен 2 қаңтар аралығында облыс жолдарында мас күйінде көлік жүргізген 5 жүргізуші ұсталды.
