«Солтүстік Қазақстан электр желілік тарату компаниясы» АҚ инвестициялық бағдарлама аясында облыстың 8 ауданы мен Петропавл қаласында орналасқан 56 шағын станцияда жөндеу жұмыстарын жүргізді, деп хабарлайды Qyzyljarnews.kz тілшісі.
«Севказэнерго» АҚ баспасөз қызметінің мәліметінше, энергетиктер ұзындығы 749,686 шақырым болатын электр желілерін жөндеді. Сондай-ақ 18,8 шақырымды құрайтын электр желілер жаңартылып, қуат өткізгіш жабдықтар ауыстырылды.
– Инвестициялық бағдарлама аясында келер жылы 20 трансформаторлық шағын станциялардың қондырғылары жаңасына алмастырылады. Ал «Петропавл жылу желілері» ЖШС Петропавлдағы Сәтпаев көшесі бойындағы жылу магистралін қайта жаңарту бойынша жобаны аяқтады. Жаңартылған учаскенің ұзындығы 1,021 км құрады. Ол Кошуков-Фрунзе көшелері аумағын қамтып отыр. Ружейников көшесінде жылу магистралін жөндеу, №1 сорғы станциясын күрделі жөндеу бойынша жобалау жұмыстары аяқталды, – дейді компанияның баспасөз хатшысы Динара Ходжаева.
