176
Облыстағы мектеп асханаларында ыстық тамақтың бағасы қымбаттады. Енді бір оқушы 614 теңгеге тамақтанады деп хабарлайды Qyzyljarnews.kz тілшісі.
СҚО білім басқармасының мәліметінше, желтоқсан айында мектеп асханаларында ыстық тамақтың бағасы 500 теңге болатын. Биыл оның құны 20 пайызға өсті.
– Ыстық тамақтың құны азық-түлік бағасына сәйкес көтерілді. Енді ыстық тамақ орта және жоғары буын оқушылары үшін – 614 теңге. Ал бастауыш сыныптарда оқитындар тегін ауқаттанатынын еске салған жөн. Естеріңізге салсақ, биылғы оқу жылында облыс бойынша тегін тамақпен 37410 оқушы қамтылған. Бұл мақсатқа 2024 жылы жергілікті бюджеттен 2,8 млрд. теңге қарастырылды, – дейді СҚО білім басқармасының баспасөз қызметі.
