Демалысты қызықты әрі пайдалы өткізгіңіз келсе, Qyzyljarnews.kz порталы ұсынған мына ақпаратқа назар аударыңыз.
Қаңтардың 13-і мен 14-і күндері:
— «Қарасай» стадионында коньки теуіп, бой жазсаңыз болады. Мұз айдынында уақытыңызды отбасыңызбен, достарыңызбен өткізе аласыз. Демалыс күндері ол сағат 12:00-ден 23:00 аралығында жұмыс істейді.
— Стенд-ап концерт. Жергілікті әзілқойлар өз монологтарын бұқараға ұсынып, түрлі тақырыптарға арналған әзілдерімен жүздеріңізде күлкі ұялатпақ. Өтетін орны «Baltis Rodsher» көңіл көтеру орны, мекенжайы – Қазақстан Конституциясы көшесі, 24А. Әзілдерге толы кеш қаңтардың 14-і сағат 20:00-де басталады. Билет құны – 1000 теңге.
— Жексенбі күні Ж.Жабаев көшесі, 156 мекенжайы бойынша орналасқан «Garage place» шығармашылық алаңында джаз жанрындағы кавер-әндер орындалады. «STREET Jazz» дуэті тыңдаушыларға көтеріңкі көңіл-күй сыйлап, кеш көркін қыздыра түспек.
