152
Өткен жылдан бері облыста 295 адам қызылшаны жұқтырды, деп хабарлайды Qyzyljarnews.kz тілшісі.
СҚО санитарлық-эпидемиологиялық бақылау департаментінің мәліметінше, жыл басынан бері қызылшаны жұқтырудың 54 дерегі зертханалық жолмен расталды.
– Жалпы облыста қызылшаны жұқтырудың 295 фактісі тіркелді. Оның 251-і Петропавлға тиесілі. 12 жағдай – Есіл, 7-уі – М.Жұмабаев, 6-уы – Қызылжар және Мамлют аудандарында, 4 дерек Айыртау және Аққайың ауданында, 2 фактіден Жамбыл және Ғ.Мүсірепов атындағы аудандарында, 1 факті Тайыншада анықталды, – дейді эпидемиолог мамандар.
Дәрігерлердің сөзінше, қызылшаны алдын-алудың бірден-бір жолы – екпе алу. Бүгіндері вакцина туралы ақпаратты тұрғындар EGU.kz сайтынан немесе 7701 жедел желісі бойынша ала алады.
