СҚО-да учаскелік полиция инспекторы адамдарды қар құрсауынан құтқарды, деп хабарлайды Qyzyljarnews.kz.
Мамлют ауданына қарасты Дубровное ауылының маңында бірнеше көлік қар құрсауында қалды. Старомихайловкадағы үйіне бара жатқан жергілікті тұрғын учаскелік полиция инспекторы Әлібек Осиповке қоңырау шалып, қиын жағдайға тап болғанын хабарлаған. Тәртіп сақшысы «Қазавтожол» АҚ-ның тракторларын шақыртып, көмек көрсетті.
Ал Тепличное ауылының маңында жол жиегіне шығып қалған «ГАЗельді» учаскелік полиция инспекторы Ақыл Байтеңізов қызметтік көлігімен шығарды.
«Hyundai» көлігін тізгіндеген РФ азаматы жолдан шығып кеткен. Оны СҚО ПД патрульдік полиция батальонының қызметкерлері Евгений Вишневский мен Алтынбек Омаров байқап қалады. Автокөлікті қардан шығару үшін механизаторлардың көмегіне жүгінуге тура келді.
