«Қызылжар» футбол клубы жаңа маусымға дайындықты бастап кетті. Түркияда өтіп жатқан оқу-жаттығу жиыны аясында жерлестеріміз өзбекстандық «Навбахор» командасымен ойнады, деп хабарлайды Qyzyljarnews.kz тілшісі.
«Қызылжар» клубының оқу-жаттығу жиыны 2 кезеңнен тұрмақ. Алғашқысын жерлестеріміз Түркияның Белек қаласында өткізуде. Жаңа маусымға дайындық аясында солтүстікқазақстандық аяқдопшылар 6 жолдастық матч ойнайды.
Бірінші кездесуді теріскейліктер өзбекстандық «Навбахор» клубына қарсы өткізді. Ойын нәтижесі бойынша жерлестеріміз қарсыластарынан 2:1 есебімен басым түсті. Алдағы уақытта «Қызылжар» ойыншылары Венгрияның «Ньиредьгаза Спартакус», косовалық «Дукаджини» және «Гжилани» командаларымен кездеседі. Кейін қызылжарлықтар словакиялық «Михайловице» және польшалық «Лехия Гданьск» клубытарына қарсы ойнайды.
