«Петропавл ауыр машина жасау зауыты» АҚ бас директоры Арман Құлмағамбетов Қытайға іссапармен барып, мұнай-газ саласына қажетті құрал-жабдықтарды жасап шығару бойынша әріптестікті нығайту бойынша келіссөздер жүргізді, деп хабарлайды Qyzyljarnews.kz тілшісі.
Кездесуде петропавлдық зауыт мамандарын аспан астын елінде оқыту жөнінде де айтылды. Екі тарап қытайлық әріптестер есебінен инженерлік-техникалық персоналдың біліктілігін арттыру бойынша уағдаласты.
– Өткен жылы Президент Қасым-Жомарт Тоқаев жұмыс сапарымен Қытайда болды. Мемлекет басшысы шетелдік әріптестерімен сауда-экономикалық, мұнай-газ, мұнай-химия, энергетика, қаржы, көлік-транзит салаларында, білім мен ғылымда жан-жақты ынтымақтастықты дамыту мәселелерін талқылаған болатын. Енді міне, біз қытайлықтармен келісіп, мамандарды оқуға осы елге жіберетін болдық, — дейді Арман Құлмағамбетов.
