78
Биыл жауған қалың қардың салдарынан көктемде су тасқыны орын алуы ықтимал. Мұны құтқарушылар мен синоптиктер алға тартып отыр, деп хабарлайды Qyzyljarnews.kz тілшісі.
СҚО ТЖД мамандарының пікірінше, облыстың 87 ауылына су басу қаупі төніп тұр. Елді мекендердің барлығы өңірдегі су қоймаларының жанында орналасқан. Сол себепті алаңдауға негіз бар.
– Апат айтып келмейді. Мұны естен шығармаған жөн. Көктемгі су тасқынына дайындықты ақпан айында бастаймыз. Жедел штаб құрылып, өзен-көлдерде мұз жарамыз. Көмекке ұлттық ұлан сарбаздары мен полиция қызметкерлері тартылады. Қауырт кезеңде 475 адамнан тұратын арнайы топ жасақталады. 135 техниканы жұмылдырамыз, — дейді СҚО ТЖД қызметкері Ернар Рүстем.
