90
Облыстық сыбайлас жемқорлыққа қарсы қызметі департаментінің мамандары пара алды деген күдікпен Тимирязев ауданы білім бөлімінің басшысын ұстады, деп хабарлайды Qyzyljarnews.kz тілшісі.
Ведомствоның ақпаратына сәйкес, лауазымды тұлға делдал арқылы мердігер ұйым өкілінен 1,2 млн. теңге мөлшерінде пара алды деге күдікпен қамауға алынды.
– Заңсыз сыйақы екі мектепті күрделі жөндеу бойынша орындалған жұмыстар актілеріне кедергісіз қол қою үшін арналған. Соттың санкциясымен күдіктілер қамауға алынды. Сотқа дейінгі тергеу жалғасуда, — делінген департаменттің хабарламасында.
Қылмыстық-процестік кодексінің 201-бабына сәйкес өзге ақпарат жария етуге тыйым салынған.
