СҚО полицейлері жергілікті атқарушы органдардың, «Қазавтожол» АҚ Солтүстік Қазақстан филиалының және СҚОФ «ҚАЖсервис» ЖШС мердігерлік ұйымының өкілдерінің қатысуымен қайғылы оқиғамен аяқталған жол-көлік оқиғасы орнында көшпелі жұмыс кеңесін өткізді, деп хабарлайды Qyzyljarnews.kz.
СҚО ПД бастығының бірінші орынбасары Қанат Айтбаевтың төрағалығымен тәртіп сақшылары автожолдарды қыс мезгілінде күтіп ұстау мәселелерін қарастырып, шешу жолдарын белгіледі. Кеңеске қатысушылар көктайғаққа қарсы реагенттерді пайдалану көлемін ұлғайту қажеттілігін алға тартты.
– Патрульдік полиция батальонының қызметкерлері трассаларға нақты уақыт режімінде қызмет көрсеткен кезде кезекші бөлімге анықталған мәселелер туралы хабарлайды. Проблемаларды кешенді шешу, ортақ міндет — жол жүрісі қауіпсіздігін қамтамасыз ету үшін тығыз жедел өзара іс-қимыл жасау қажет, – деді Қанат Айтбаев.
