«Жол активтері сапасының ұлттық орталығы» РМК СҚОФ өкілдері жол құрылысы жүргізіліп жатқан 163 объектіні тексеріп, 190 олқылықты анықтып, мердігерлер 141-ін түзеді, деп хабарлайды Qyzyljarnews.kz тілшісі.
«Жол активтері сапасының ұлттық орталығы» РМК филиалының ақпаратында тексерілген жол құрылыс объектілерінен асфальт жамылғысының 1582 сынама материалы алынып, 597-сі нормативтік-техникалық құжаттамаға сәйкес болмай шықты.
– Облыстық маңыздағы жолдарға келер болсақ, 12 құрылыс объектісі назарға алынды. Мамандарымыз материалдарды зертханалық сараптамадан өткізу мақсатында 333 сынама тексерді. Оның 121-і, яғни 85 пайызы нормативтік-техникалық нормаларға сәйкес келмейді. Мердігерлерге жіберілген қателіктерді түзету міндеті қойылды. Нәтижесінде 107 сынама бойынша олқылықтар түзетілді. Анықталған 79 қателіктің 77-сін түзеді, — деді
«Жол активтері сапасының ұлттық орталығы» РМК СҚОФ директоры Жолдыбай Тентеков.
Оның сөзінше, 2 дефектінің бірі «Еленовка – Арықбалық – Чистополье — Есіл» автомбиль жолындағы көпір құрылысы кезінде анықталды. Ондағы жолдың жамылғысында жарықтар бар.
– Аудандық маңыздағы жолдың құрылысы да назарда. 28 объектіден 304 сынама материал алынды. Оның 40 пайызы нормативтік-техникалық нормаларға сай болмай шықты, — деді Жолдыбай Тентеков.
