135
Облыс полицейлері мектеп автобусын мас күйде айдаған жүргізушіні анықтады, деп хабарлайды Qyzyljarnews.kz.
Ақжар ауданында тәртіп сақшылары 10 және 12 жастағы екі оқушы, сондай-ақ мұғалім отырған мектеп автобусын тексерген. Жүргізушіден алкогольдің иісі шығып тұрған. Медициналық куәландыру оның мас екенін көрсеткен.
Аталған факті бойынша Әкімшілік құқық бұзушылық туралы кодекстің 608-бабымен материал жиналды. Сот шешімімен 45 жастағы жүргізуші 15 тәулік мерзімге қамалып, 7 жылға көлік айдау құқығынан айырылды.
