Сотталғандардың туыс-туғандарымен кездесуіне жағдай жасалған

Өткен жылы облыстық қылмыстық-атқару жүйесі департаментіне қарасты №48 мекемесінде 1500-ден астам кездесу өткізілді, деп хабарлайды Qyzyljarnews.kz.

Былтыр №48 түзеу мекемесінің сотталғандарына туыстарымен 1605 кездесу берілсе, оның 517-і ұзақ және 1088-і қысқа мерзімді кездесу.

Ұзақ кездесулер өткізу үшін №48 мекемеде сотталғандардың отбасыларымен және туыстарымен бірге тұруы үшін барлық қажетті заттармен қамтамасыз етілген арнайы жабдықталған бөлмелер бар. Бұл заманауи жиһаздары, гарнитурасы және теледидарлары бар шағын жатақханаға ұқсайтын жайлы бөлмелер. Сотталған азаматтар жақындарымен кездесетін күнді асыға күтеді. Мұндай кездесулер оларға таптырмас мотивация екені сөзсіз.