144
Солтүстік Қазақстан облысында аквамәдениеттің өнімділігін арттыруға және асыл тұқымды балық шаруашылығын дамытуға қаражат бөлінеді. Тиісті қаулының жобасы ашық нормативтік-құқықтық актілер сайтында орналастырылды, деп хабарлайды Qyzyljarnews.kz тілшісі.
Құжатқа сәйкес, өткен жылы облыстық мәслихат депутаттарының шешімімен балық шаруашылығын дамытуға 20 млн. теңге көлемінде субсидияларды бөлу қарастырылды. Қаражат балық өсіруге қажетті құрал-жабдықтарды сатып алу шығындарын өтеуге жұмсалмақ. Осылайша ақ балықтың 80 миллион уылдырығы өсіріледі.
Табиғи ресурстар және табиғат пайдалануды реттеу басқармасының мәліметінше, облыс аумағында 2 432 су айдыны бар, оның 589-нда балық өсіріледі.
