65
Петропавлдағы үш қабатты әкімшілік ғимараттың жертөлесі өртке оранып, қызыл жалын 60 шаршы метр аумақты шарпыды, деп хабарлайды Qyzyljarnews.kz тілшісі.
СҚО ТЖД мәліметінше, төтенше жағдай сағат 22:37-де орын алды. Ғ.Мүсірепов көшесінде орналасқан әкімшілік ғимараттың жертөлесінде өрт шықты. Оқиға орнына дереу құтқарушылар жөнелтілді.
– Қызыл жалынды ауыздықтауға жеке құрамның 23 адамы мен 7 техника жұмылдырылды. От сағат 23:29-да сөндірілді. Улану белгілері бар 1985 жылы туған ер адам ауруханаға жатқызылды, — делінген ведомство таратқан мәліметте.
