145
Уәлиханов ауданында құтқарушылар жедел медициналық көмекке мұқтаж 2 әйелді ауруханаға жеткізді, деп хабарлайды Qyzyljarnews.kz.
СҚО ТЖД мәліметінше, ақпанның 18-і күні сағат 01:30-да «101» пультіне Телжан ауылдық округі әкімінен хабарлама келіп түсті. Белгілі болғандай, Көбенсай елді мекенінде екі әйелге шұғыл медициналық көмек қажет еді. Олардың бірінің қолы сынса, екіншісінде аппендицит белгілері анықталды.
– Боран салдарынан жол жабылды. Сондықтан 1964 және 1990 жылы туған келіншектерге құтқарушылардың көмегі қажет болды. Талшық ауылының өрт сөндіру бөлімінен аудан тұрғындарына көмекке «ТРЭКОЛ» көлігі шықты. Ол әйелдерді Кішкенекөл ауылындағы аудандық ауруханаға аман-есен жеткізді, — делінген хабарламада.
