138
Көшеде винтовка тәріздес зат ұстаған жасөспірімді көрген тұрғындар полицияғак қоңырау шалды, деп хабарлайды Qyzyljarnews.kz.
СҚО полиция департаментінің мәліметінше, бүгін «102» арнасына Петропавлда баланың қолына мылтық тәрізді затты ұстап кетіп бара жатқаны туралы хабар келіп түсті. Бірнеше минут ішінде осы жағдайды анықтау мақсатында полиция қызметкерлері жасөспірімді ұстады.
– Полиция қызметкерлері қару-жарақ тәрізді затпен қаланы аралап жүрген кәмелетке толмаған баланы тексерді. Баланың айтуынша, ол ойнау үшін достарының ауласына бара жатқан. Ал қолындағы зат — ойыншық мылтық болып шықты, — дейді СҚО ПД баспасөз қызметі.
