Тасқынға тосқын бола ма?!

Қалалық әкімдікте көктемгі тасқынға қарсы іс-шаралар пысықталды, деп хабарлайды QyzyljarNews.kz  тілшісі.

Шаһар басшысы  ТҮКШ бөліміне Жұмысшы кенті, Ойқала, Зайсан секілді су басу қаупі жоғары мөлтек аудандарды тексеруді тапсырды. Жағдайды бағалап, қажетті техниканы жұмылдыру үшін алдын-ала келісім-шарт жасау қажеттігін айтты.

• Былтыр күзде Болат Жұмабеков су өткізетін құбырларды тексеруге тапсырма берген болатын. Әсіресе, құрылыс жүргізілген аудандарды бақылауды ескерткен. Наурыз айында ол жерлерде тазалау жұмыстары жүргізіледі, — деді қала әкімінің баспасөз қызметі.

Бұған қоса мөлтекаудандарды су басқан жағдайдағы арнайы қызметтердің жұмысын реттеу үшін бірлескен оқу-жаттығу өткізу жоспарланған. Алдын- ала эвакуациялық орындар әзірленіп, азық-түлік, дәрі-дәрмек жеткізу тәсілдері де пысықталмақ.