Петропавлда үстел теннисі орталығы салынуда. Жаңа спортық нысан Мағжан Жұмабаев көшесінің бойында орын теппек, деп хабарлайды Qyzyljarnews.kz тілшісі.
Спорт сарайының ауданы 3,6 мың шаршы метрді құрамақ. Бүгіндері ғимараттың металдан қаңқасы тұрғызылуда. Облыстық дене шынықтыру және спорт басқармасының мәліметінше, орталықта тенниске арналған 24 үстел қойылып, спортшыларға арнайы тренажерлік зал қарастырылады.
Мердігер халықаралық деңгейдегі теннис үстелдерін және спортзалға арналған жабдықтарды жеткізуді жоспарлап отыр. Заманауи үстел теннисі орталығы биылғы жыл халық игілігіне беріледі.
Сондай-ақ облыс орталығында триатлонға арналған арнайы парк салу жоспарда бар. Нысанның жобалық-сметалық құжаттамасы дайын болған соң, саябақтың құрылысы басталмақ.
