231
Демалыс күндері Қазақстан бойынша халыққа қызмет көрсету орталықтары (ХҚО) мен арнайы ХҚО жұмыс істей ме, деген ақпаратқа «Азаматтарға арналған үкімет» мемлекеттік корпорациясы» КЕАҚ баспасөз қызметі 2024 жылғы 18 наурызда мәлімдеді, деп хабарлайды Qyzyljarnews.kz.
Мемлекеттік корпорация қазақстандықтардың Наурыз мейрамын тойлауға байланысты халыққа қызмет көрсету орталықтары мен арнайы халыққа қызмет көрсету орталықтары наурыздың 21-і мен 25-і аралығында жұмыс істемейтінін еске салды.
— Кезекшілер 25 наурызда сағат 13:00-ге дейін мемлекеттік қызмет көрсетеді. Халыққа қызмет көрсету орталықтары 26 наурыздан бастап әдеттегі жұмыс кестесіне қайтады, — делінген хабарламада.
«Азаматтарға арналған үкімет» орталықтар дүйсенбіден жұмаға дейін сағат 9:00-ден 18:00-ге дейін жұмыс істейтінін, кезекшілер жұмыс күндері сағат 20:00-ге дейін, сенбі күндері 13:00-ге дейін жұмыс істейтінін қосты.
