250
Петропавлда алғаш рет оқушылардың қолөнер бұйымдарының көрмесі өтті. Қалалықтардың назарына балалардың өз қолдарымен жасаған 40-қа жуық туындысы ұсынылды, деп хабарлайды Qyzyljarnews.kz тілшісі.
Көрмеде көздің жауын алатын әшекейлерді де көруге болды. №25 орта мектебінің оқушысы Мөлдір Ертеректің айтуынша, қазақи нақыштағы бұйымдарды жасауды үйренуге бір жыл уақыты кетіпті.
– Маған бұйымдарды жасаған ұнайды. Ойымнан туған дүниелерді құрастыру оңайға түседі. Әшекейлердің дизайнын өзім ойлап табамын, — дейді Мөлдір Ертерек.
Облыстық көрмедегі жас таланттардың жұмыстары бір-бірінен асады. Біреуі ағаштан ойып ыдыс-аяқ жасаса, бірі киізбен сурет салған.
