«Қызылжар» орталық мешітінің ұйымдастыруымен шәкірттер арасында Құран оқу жарысы ұйымдастырылды, деп хабарлайды Qyzyljarnews.kz.
Өңірдің бас имамы Хамзат Қажымұратұлы жас құраншыларға жарыстың шартын түсіндіріп, сәттілік тіледі. Мұндай рухани шара биыл үшінші рет өткізіліп отыр. Жарысқа қатысушы 5 жас пен 24 жас аралығындағы 70 үміткер бес аталым бойынша бақтарын сынады. Ең жас қатысушысы – бес жасар Сафия Нашкенова. Ол 10 сүрені жатқа біледі. Қазылар алқасының шешімімен 2 пара бойынша Мумина Зульфукарова, 1 пара бойынша Азамат Төлеухан, жарты пара бойынша Загир Амиров, 10 сүре бойынша Сафия Нашкенова жеңімпаз деп танылды
Жарыстың жалпы жүлде қоры – 1 миллион теңге. Жүлдегерлер байқау талабында көрсетілген аталымдар бойынша ақшалай сыйлықтарға ие болды.
