«Құлагер» хоккей клубының директоры болып Әсет Бүкібаев тағайындалды, деп хабарлайды Qyzyljarnews.kz тілшісі.
Белгілі болғандай, бұған дейін Әсет Бүкібаев Ақмола облысының дене шынықтыру және спорт басқармасының басшысы қызметін атқарған.
Әсет Бүкібаев – Ақмола облысындағы Есіл қаласының тумасы. Еңбек жолын ол 2003 жылы Көкшетау қалалық əкімдігі жанындағы туризм жəне спорт бөлімінің бас маманы қызметінен бастаған. 2005-2006 жылдар аралығында Көкшетау қалалық білім жəне спорт бөлімі болып қайта құрылған мемлекеттік мекемеде жетекші маман болып еңбек етті. 2006 жылдан 2008 жылға дейін қалалық дене шынықтыру жəне спорт бөлімінің жетекші маманы болды. Одан кейін бір жыл «БТА банк» акционерлік қоғамында оператор қызметін атқарды. 2010-2011 жылдары қалалық дене шынықтыру жəне спорт бөлімінің бас маманы, 2011 жылдан облыстық дене шынықтыру жəне спорт басқармасында бас маман, бөлім басшысы, басқарма басшысының орынбасары, кейін жетекшісы болып қызмет атқарды.
