169
Назарбаев көшесі бойындағы жаяу жүргіншілер өткелінде жол-көлік оқиғасы тіркелді, деп хабарлайды Qyzyljarnews.kz.
СҚО ПД мәліметінше, оқиға бүгін Назарбаев көшесінде орын алды. Жаяу жүргіншілер өткелімен өтіп бара жатқан 30 жастағы әйел мен 6 жасар баланы көлік қағып кетіп, салдарынан ана мен бала медициналық мекемеге жеткізілді.
— «Nissan Cefiro» автокөлігін Петропавлдың 36 жастағы тұрғыны басқарған белгілі. Медициналық куәландыру барысында ер адамның спирттік ішімдік ішпегені расталды. Қазіргі уақытта оқиғаның мән-жайы анықталып, процессуалдық шешім қабылдау үшін материал жиналып жатыр, — дейді СҚО ПД баспасөз қызметі.
