Солтүстік Қазақстан облысында Есіл өзенінде су деңгейінің көтерілуі мен еріген қар суының салдарынан республикалық маңызы бар автожолда көлік қозғалысы шектелді. Бұл туралы «ҚазАвтоЖол» РМК баспасөз қызметі хабарлады, деп жазады Qyzyljarnews.kz.
— 10 сәуірде Солтүстік Қазақстан облысында Есіл өзенінде су деңгейінің көтерілуінен және еріген қар суының салдарынан, яғни, республикалық маңызы бар А-16 «Жезқазған-Петропавл» тас жолының жүру бөлігін су алуына байланысты А-16 «Жезқазған-Петропавл» тас жолының 869-875 шақырымында көлік құралының барлық түрінңғ қозғалысына шектеу енгізілді. Ол СҚО Есіл ауданының Амангелді ауылының бұрылысынан бастап Покровка ауылына дейінгі аралықты қамтиды, — делінген хабарламада.
Тимирязево, Шал ақын және Ғ.Мүсірепов ауданының тұрғындарына Р-60 «Волошинка-Сергеевка-Тимирязево» (Волошинка ауылы) тас жолы арқылы облыс орталығына жетуге болатынын хабарлаймыз. 2024 жылғы 10 сәуірде сағат 11:00-ге дейін Р-60 тас жолының 2 шақырым құрайтын учаскесінде жөндеу жұмыстары сәтті аяқталды. Ары қарай жол маршруты Р-59 «Волошинка-Корнеевка-Рощинское» (Корнеевка ауылы) тас жолы арқылы жалғасып, КТ-29 «Покровка-Корнеевка-Горное» (Покровка ауылы) облыстық жолымен А-16 «Жезқазған-Петропавл» автомобиль жолына түсіп, Петропавл қаласына жетуге болады.
