126
Петропавлға Павлодар облысынан гуманитарлық көмек жетті. Жүк көліктеріне тиелген азық-түлік өнімдері, тұрмысқа қажетті заттар мен құрал-саймандарды Павлодар облыстық мәслихатының депутаттары жіберді, деп хабарлайды Qyzyljarnews.kz тілшісі.
Облыстағы су тасқынына байланысты күрделі жағдайды ескерген павлодарлық депутаттар 20 тонна азық-түлік, ауыз су, қайықтар, етік, сөмкелер, төсеніштер, күректер, шелектер, көкірекшелерді жіберді. Бұған қоса 12 тонна пияз және 8 тонна картоп қосылған 2 «Камаз» келді.
Бүгін Астана қаласының «Ауыл» партиясының мүшелері де қолғабыс көрсетіп, гуманитарлық көмек жіберді.
