Кеше Петропавлдағы Интернационал мен Әуезов көшесінің қиылысында бағдаршамның апаттық сөнуі тіркелді. Салдарынан көлік кептілісі пайда болып, 22 жастағы қала тұрғыны полиция батальоны келгенше жол қозғалысын реттеді, деп хабарлайды Qyzyljarnews.kz тілшісі.
Бағдаршам істен шығып, жаяу жүргіншілер жолдан өте алмай қалды. Бұл кезде 22 жастағы азамат көмекке келіп, жол қозғалысын реттеді. Нәтижесінде көліктер қала тұрғынының нұсқауы бойынша жүріп, жол-апаты тіркелмеді. Белгілі болғандай, жас жігіт полиция департаментінің қызметкері екен.
— Менің қасымда арбасында кішкентай баласы бар әйел, қарама-қарсы бетте — егде жастағы ерлі-зайыптылар тұрды. Полиция қызметкері әр кезде қолғабыс көрсетуі керек. Жағдайдың нашарлап бара жатқанына көз жеткізген соң, қозғалысты реттеуге бел будым, — дейді СҚО ПД қызметкері Ерсұлтан Дүйсембин.
Полиция лейтенанты жолдажүру ередерін өте жақсы біледі, реттеушінің сигналдары оған бала кезінен жақсы таныс — оның әкесі, қазіргі таңда ІІО зейнеткері, көптеген жылдар бойы жол полициясында қызмет еткен. Патрульдік полиция батальонының инспекторы келгенге дейін Ерсұлтан адамдар көп жиналып қалған қиылыста қалыпты қозғалысты ретке келтірді.
