229
Қазақстандық теннисші Елена Рыбакина Германияның Штутгарт қаласында өткен «WTA 500-Porsche Tennis Grand Prix» турнирінде жеңіске жетті. Спортшыны Президент Қасым-Жомарт Тоқаев құттықтады, деп хабарлайды Qyzyljarnews.kz.
Президент әлеуметтік желідегі жеке парақшасында Елена Рыбакинаны Штутгарт турниріндегі жеңісімен құттықтап, ізгі лебізін жеткізді.
– Елена Рыбакинаны Штутгартта өткен теннис турнирінің жеңімпазы атануымен құттықтаймын. Қазақстанның бірінші ракеткасы биылғы маусымда осымен үшінші турнирде жеңіске жетіп отыр. Бұл – үлкен жетістік. Даңқты теннисшімізге толағай табыс тілеймін! – деп жазды Мемлекет басшысы Instagram парақшасында.
Финалда қазақстандық спортшы украиналық Марта Костюкпен кездесті, делінген Ұлттық олимпиада комитетінің хабарламасында.
Елана Рыбакина екі сет қорытындысы бойынша жеңіске жетіп, чемпион атанды.
Жартылай финалда Елена Рыбакина әлемнің бірінші ракеткасы Ига Швентекті ұтқан болатын.
