Шымкентте «Қызылжар» клубы бір ұпай еншіледі

Авторы: Аманжол НҰРТАЗИН

Футболдан ел біріншілігінің 5-ші турында Шымкентте «Қызылжар» клубы «Ордабасы» командасымен ойнады. Бұл кездесуде жеңімпаз анықталған жоқ, деп хабарлайды Qyzyljarnews.kz тілшісі.

Ойын басталысымен алаң иелері «Ордабасы» командасы шабуылға шықты. «Қызылжардың» қырағы қорғаушыларының арқасында көпке дейін есеп ашылмады. Бірінші таймның негізгі уақытында бірде-бір клуб нәтижелі соққы жасай алмады. Тек төреші қосқан 3 минуттың ішінде жерлестеріміз есепте алға шығуға мүмкіндік алды. Бұрыштамадан әуелеткен допқа бірінші болып жеткен Евгений Березкин солтүстікқазақстандықтарды алға шығарды.

Екінші таймда «Ордабасы» клубы таразы басын теңестіруге тырысып, ойынның 52-ші минутында шымкенттік команданың қорғаушысы Сергей Малый есепті 1:1-ге дейін жеткізді. Матчтың 66-шы минутында жерлестеріміз алға шықты. Алайда шымкенттіктердің айып алаңында ереже бұзылып, соғылған гол есепке алынбады. Қорытынды есеп – 1:1.

Ел біріншілігінің турнирлік кестесінде көш басында «Ақтөбе» келе жатса, 8 ұпай жинаған «Қызылжар» мен «Ордабасы» екінші орында келе жатыр.

 

Ұқсас жаңалықтар

Қазақстан Республикасы Ақпарат және қоғамдық даму министрлігі Ақпарат комитетінде 2022 жылғы 20 қаңтарда тіркеліп, №KZ76VPY00045027 куәлігі берілген.

Меншік иесі:  

СҚО әкімдігінің «Қызылжар-Ақпарат» ЖШС.

Яндекс.Метрика

Директор —

Ербақыт Амантайұлы

Сайттың бас редакторы —

Аманжол Нұртазин, aman_nurtazin@mail.ru

Тілші:

Мадина Нуркина, +77057396494, Nurkinamad@mail.ru

SMM-менеджер:

Айжана Шайкенова,

+77782191267

nadyasaf070@gmail.com

@2022 — Designed and Developed by qyzyljarnews.kz