59
Абай көшесінде кәріз коллекторы алмастырылып жатыр. Жұмыстар Назарбаев – Тоқсан би көшелері аралығында жүргізілуде, деп хабарлайды Qyzyljarnews.kz.
Естеріңізге салсақ, наурыздың 30-ы күні Абай – Алтынсарин көшелерінің қиылысында 800 мм кәріз коллекторының құбыры зақымданды. Салдарынан асфальт жамылғысы құлап, қалада жергілікті ауқымдағы төтенше жағдай режимі жарияланды.
Қазіргі уақытта Назарбаев – Тоқсан би көшелері аралығындағы 1090 метрге созылған аумақта кәріз коллекторын алмастыру жұмыстары жүргізілуде. Ескі құбырдың орнына жаңасы орнатылып жатыр. Әзірге жөндеу жұмыстары қашанға дейін созылатыны белгісіз.
